అధ్యక్ష పీఠం ట్రంప్ దే.. ఎన్నిక్లలో విజయం.. హిల్లరీకి షాక్..

అమెరికా అధ్యక్ష ఎన్నికలు నిన్న జరిగిన సంగతి తెలిసిందే. ఈ ఎన్నికలు బరిలో రిపబ్లికన్ పార్టీ నుండి డొనాల్డ్ ట్రంప్... డెమొక్రటిక్ పార్టీ నుండి హిల్లరీ క్లింటన్ ఇద్దరూ పాల్గొనగా ఎంతో ఉత్కంఠం తరువాత డొనాల్డ్ ట్రంప్ గెలుపొందారు. సర్వేలన్నీ తారుమారు అయ్యాయి. అంచనాలు తప్పాయి. ఎగ్జిట్‌పోల్స్‌, మీడియా విజయం ఖాయమన్న డెమొక్రటిక్ పార్టీ అభ్యర్థి హిల్లరీ క్లింటన్ అమెరికా అధ్యక్ష ఎన్నికల్లో అనూహ్యంగా ఓటమికి చేరువకాగా.. అందరి అంచనాలను తలకిందులు చేస్తూ, ఊహించనివిధంగా రిపబ్లికన్‌ పార్టీ అభ్యర్థి డోనాల్డ్‌ ట్రంప్‌ విజయకేతనం ఎగురవేస్తున్నారు. మొత్తం 538 స్థానాలు ఉండగా అందులో 276 స్థానాలు గెలిచి అమెరికా అధ్యక్ష పీఠాన్ని దక్కించుకున్నారు. దీంతో ట్రంప్ అనుచరులు సంబరాలు చేసుకుంటున్నారు. మరోవైపు హిల్లరీ అభిమానులు విషాదంలో మునిగిపోయారు.