డైట్ కోక్ తాగుతూ తాపీగా ట్రంప్..

అమెరికా అధ్యక్ష ఎన్నికలు నిన్న జరిగిన సంగతి తెలిసిందే. అయితే ఎన్నికల కౌంటింగ్ ఈరోజు జరుగుతుంది. రిపబ్లికన్ పార్టీ తరుపున ట్రంప్, డెమొక్రటిక్ పార్టీ తరుపున హిల్లరీ క్లింటన్ పాల్గొన్న ఈ ఎన్నికల్లో ఎవరు గెలుస్తారో అని ప్రపంచ వ్యాప్తంగా ఉత్కంఠంగా ఎదురుచూస్తుంది. అయితే ఓ ఓవైపు నరాలు తెగే ఉత్కంఠ మధ్య అమెరికా అధ్యక్ష ఎన్నికల కౌంటింగ్ కొనసాగుతుంటే రిపబ్లికన్ల తరఫున పోటీ పడిన డొనాల్డ్ ట్రంప్ ఏం చేస్తున్నారో తెలుసా.. తాపీగా డైట్ కోక్ తాగుతూ కూర్చున్నారంట. ఈ విషయాన్ని ఆయన స్నేహితుడు, న్యూయార్క్ మాజీ మేయర్ రూడీ గులియానీ స్వయంగా వెల్లడించారు. రిపబ్లికన్ నాయకులతో ఆయన సమావేశమయ్యారని, పలు రాష్ట్రాల ఫలితాలు చూసి, విజయంపై ప్రశాంతంగా ఉన్నారని, ఇంకా డిన్నర్ చేయలేదని ట్రంప్ సన్నిహితులు వెల్లడించారు.