ఫ్యాన్స్ని నిరాశపర్చిన చిర౦జీవి
posted on Nov 4, 2012 12:54PM
మొత్తానికి చిరంజీవి సినిమా రీ ఎంట్రీ పై ఒక క్లారిటీ వచ్చేసినట్టే, ఇకపై ఆయన స్క్రీన్ పై కనబడే అవకాశాలు చాలా చాలా తక్కువ. ఈ విషయాన్ని చిరునే స్వయంగా స్పష్టం చేశాడు. తాను ఇకపై సినిమాల్లో నటించే అవకాశాలు ఉండవని తేల్చిచెప్పాడు. దీనికి ప్రధాన కారణం ఆయన కేంద్ర మంత్రిగా పదవి బాధ్యతలు స్వీకరించడమే అని చెప్పాల్సినవసరం లేదు. మామూళుగా సహాయ మంత్రులైనా సరే సినిమాల్లో నటించాలంటే ప్రధానమంత్రి అనుమతి తీసుకుని పని కానిస్తుంటారు. ఇప్పుడు చిరంజీవి సినిమాల్లో నటించడానికి మళ్లీ కాంగ్రెస్ అధిష్టానం అనుమతి తీసుకోవాల్సి రావొచ్చు. అందుకే ఆయన మంత్రిగా ఉండే ఒకటిన్నర ఏడాది కాలం అలాంటి ప్రయత్నాలు చేయకపోవచ్చు. ఆ తర్వా త పరిస్థితి ఏంటో చెప్పలేం కానీ ప్రస్తుతానికి మెగా భిమానులకు నిరాశే! ఇక రాష్ట్రంలో కాంగ్రెస్ పార్టీ పరిస్థితి పై కూడా చిరు అసంతృప్తి వ్యక్తం చేశాడు. రాష్ట్ర కాంగ్రెస్లో మరింత సమన్వయం అవసరమని ఆయన వ్యాఖ్యానించాడు. ప్రభుత్వ పథకాలను మరింత పగడ్బందీగా ప్రజల్లోకి తీసుకెళ్లాలని సూచించాడు. కేంద్ర మంత్రి అయినప్పటికీ నెలకు నాలుగైదు రోజులు రాష్ట్రంలోనే ఉండి క్రీయాశీలకంగా వ్యవహరిస్తానని చెప్పుకొచ్చాడు, తెలంగాణ విషయంలో అధిష్టానమాటనే అనుసరిస్తానని స్పష్టం చేశాడు.