పాలు స్టవ్ మీద పెట్టి మీగడ కట్టకుండా, గరిట కింద పెట్టకుండా తిప్పుతుండాలి. రెండు గంటల అనంతరం పాలు ముద్దలా అవుతుంది. ఇంకా తిప్పుతూనే ఉండాలి. మరికొంత సేపటికి గట్టిగా ముద్దలాగ అవుతుంది. చక్కెర మెల్లమెల్లగా పోసి మళ్ళీ తిప్పుతుండాలి. పల్చని పాకం తయారవుతుంది. మరికొంత సేపటికి పంచదార పాకం అయి పల్చబడిన కోవా మళ్ళీ గట్టిగా అవుతుంది. ఒక పళ్ళానికి నెయ్యి రాసుకొని కోవా ముద్దను పళ్ళెంలో గుమ్మరించాలి. కోవా ఉండలు ఉండలుగా లేకుండా చక్కగా మెత్తగా ఉండేలా చూసుకోవాలి. తర్వాత మీ కావలసిన ఆకారంలో కట్ చేసుకోవాలి.
చిట్కా: పాలకోవా తయారు చేసేటప్పుడు... పాలతో పాటు ముందుగానే చక్కెరను కలపకూడదు. పాలు బాగా మరగిన తరువాత చివరలో తక్కువ పంచదారను కలిపితే పాలకోవా ఎక్కువ రుచిగా వుంటుంది.

సొరకాయ చెక్కుతీసి ముక్కలుగా చేసి కొబ్బరికోరినట్లుగా సన్నగా కోరుకోవాలి. ఈ కోరును ముద్దగా చేసి నీళ్ళన్నింటినీ పిండి పొడి పొడిగా చేసి పక్కన పెట్టుకోవాలి. ఒక మందపాటి గిన్నెను పొయ్యిమీద పెట్టి వేడయ్యాక నెయ్యి పోసి, కాగిన తరువాత జీడిపప్పు, కిస్‌మిస్ వేసి దోరగా వేయించాలి. తరువాత అదే గిన్నెలో, మిగిలిన నెయ్యిలో కోరిన సొరకాయను వేసి 10 నిమిషాలు వేయించాలి. ఆపై అందులోనే పాలు, పంచదార వేయాలి. అది బాగా దగ్గర పడి హల్వాలా అయ్యేదాకా గరిటతో కలుపుతూ ఉండాలి. తరువాత హల్వాను దించుకునేముందు వేయించిన జీడిపప్పు, కిస్‌మిస్, యాలకుల పొడి కలపాలి. అంతే సొరకాయ హల్వా రెడీ.