వెంకన్న హస్తాలు ఎందుకలా ఉంటాయి

కలియుగ దైవం శ్రీవెంకటేశుని దివ్వ దర్శనం చేసుకున్న వారందరికీ దివ్యానుభూతి కలగటం తథ్యం. అయితే నిత్య కళ్యాణకారుడైన వెంకటాచలపతి కరములు ఉండే తీరు అందరూ గమనించే ఉంటారు. స్వామి వారి పటంలో కూడా ఈ విషయం గమనించవచ్చు. శ్రీవారి హస్తాలు నేలను చూపిస్తున్నట్టు ఉంటాయి. అలా ఉండే ఆ భంగిమకు అర్థం, స్వామి పాదాలను శరణన్న వారికి, దర్శించిన వారికి లేమి లేకుండును అని. ఈ విషయం మనకు శ్రీవెంకటేశ్వర సుప్రభాతంలో కూడా ఉంటుంది. ఈ సారి స్వామి దర్శనానికి వెళ్ళినప్పుడు ఆపాదమస్తకం, కళ్ళు తెరిచి చూడండి. స్వామి రూపాన్ని మనసులో ముద్రించుకోండి.